साल्ट ट्रेडिङको सहायक प्रबन्धकविरुद्ध नक्कली प्रमाणपत्रको मुद्दा
प्रकाशित मिति : 2 July, 2026 8:24 pm
सुशासन नेपाल
76
Shares
काठमाडौँ – साल्ट ट्रेडिङ कर्पोरेसन लिमिटेडमा सहायक प्रबन्धक (सातौँ तह) पदमा कार्यरत मनोजकुमार झाविरुद्ध शैक्षिक योग्यताको नक्कली प्रमाणपत्र पेस गरेको मुद्दा दायर भएको छ ।
आयोगका सहायक प्रवक्ता गणेशबहादुर अधिकारीका अनुसार सन् १९९८ मा झाले मगाध युनिभर्सिटी, बोधगयाबाट प्राप्त मार्कसिट, इमिग्रेसन, ट्रान्सफर, प्रोभिजनल लगायतका झुट्टा तथा नक्कली शैक्षिक प्रमाणपत्र पेस गरी सहायक प्रबन्धक (सातौँ तह) पदमा बढुवा नियुक्ति लिई ओहोदा, लाभ र सुविधि समेत प्राप्त गरेको पुष्टि भएको छ ।
भ्रष्टाचार निवारण ऐन, २०५९ बमोजिम कैद र जरिवाना हुन मागदाबी लिई बिहीबार विशेष अदालत काठमाडौँमा आरोपपत्र दायर भएको अयाोगले जनाएको छ ।
