पाँचदलीय उच्चस्तरीय संयन्त्रको सुझाब, स्थानीय तहको निर्वाचन जेठमा गर्नु
प्रकाशित मिति : १६ माघ २०७८, आईतवार १२:१९
सुशासन नेपाल
0
Shares
सुशासन नेपाल संवाददाता।
काठमाडौं, माघ १५ । पाँचदलीय उच्चस्तरीय संयन्त्रको बैठकले आगामी जेठ मसान्तभित्र स्थानीय तहको निर्वाचन गर्न सरकारलाई सुझाब दिएको छ। प्रधानमन्त्रीको सरकारीनिवास बालुवाटारमा शनिबार साँझ बसेको संयन्त्रको बैठकले प्रधानमन्त्री शेरबहादुर देउवामार्फत सरकारलाई सुझाब दिएको कांग्रेस नेता एवं सरकारका प्रवक्ता ज्ञानेन्द्रबहादुर कार्कीले जानकारी दिए ।
प्रधानमन्त्री देउवाको अध्यक्षतामा बसेको बैठकले संविधानसँग बाझिएका कानुनलाई संशोधन गर्ने तयारी गर्न पनि सुझाब दिएको छ। यसअघि तीन चरणमा भएको स्थानीय निर्वाचनलाई समेत मध्यनजर गर्दै संविधानसँग बाझिएका कानुनलाई मिलाएर सरकारले जेठभित्र निर्वाचन सम्पन्न गर्ने कार्कीले बताए।
