कुलमानको बर्खास्तीविरुद्ध संसद् र सडकबाट खबरदारी गर्ने विपक्षी दलको तयारी
प्रकाशित मिति : १२ चैत्र २०८१, बुधबार ११:१६
सुशासन नेपाल
133
Shares
काठमाडौँ- विपक्षी दलहरूले नेपाल विद्युत प्राधिकरणका कार्यकारी निर्देशक कुलमान घिसिङलाई बर्खास्त गरिएको निर्णयविरुद्ध संसद्मा विरोध गर्ने भएको छ।
आज सिंहदरबारमा बसेको विपक्षी दलहरूको बैठकले कुलमानलाई हटाउने सरकारको निर्णयप्रति खबरदारी गर्ने भएको छ। राष्ट्रिय स्वतन्त्र पार्टी (रास्वपा)का सचेतक सन्तोष परियारले विपक्षी दलले सरकार विधिविधानलाई लत्याएर गरेको निर्णयको विरोध गर्ने जनाएका छन्।
उनले सडकमा पनि विरोध जारी रहने बताए। सरकारले मन्त्रीहरूको हितमा नभई जनताको हितमा काम गर्नुपर्नेमा त्यस्तो हुन नसकेको उनको भनाइ छ।
