एमालेद्वारा स्थानीय तह निर्वाचनको घोषणापत्र सार्वजनिक
प्रकाशित मिति : ९ बैशाख २०७९, शुक्रबार १६:२४
सुशासन नेपाल
228
Shares
काठमाडौँ । एमालेले स्थानीय तह निर्वाचनको चुनावी घोषणापत्र सार्वजनिक गरेको छ। शुक्रबार ललितपुरको च्यासलस्थित तुलसीलाल स्मृति प्रतिष्ठान भवनमा सञ्चालनमा ल्याइएको पार्टी केन्द्रीय कार्यालयमा अध्यक्ष केपी ओलीले घोषणापत्र सार्वजनिक गरेका हुन्।
नेपाल कम्युनिस्ट पार्टीको ७४औँ स्थापना दिवसको अवसर पारेर सार्वजनिक गरिएको घोषणापत्रमा आगामी दिनमा पार्टी कसरी अघि बढ्छ भन्ने स्पष्ट योजना उल्लेख गरिएको पार्टीका वरिष्ठ उपाध्यक्ष ईश्वर पोखरेलले जानकारी दिए।
आजै सबै पालिका तहका पार्टी कमिटीले पनि आफ्नो प्रतिबद्धतापत्र सार्वजनिक गरेका एमाले महासचिव शंकर पोखरेलले जानकारी दिए।
