नवनियुक्त मन्त्री न्यौपानेद्धारा शपथ ग्रहण
प्रकाशित मिति : 16 July, 2025 9:15 pm
सुशासन नेपाल
0
Shares
काठमाडौँ – राष्ट्रपति रामचन्द्र पौडेलले नवनियुक्त सङ्घीय मामिला तथा सामान्य प्रशासन मन्त्री भगवती न्यौपानेलाई पद तथा गोपनीयताको शपथ खुवाएका छन्।
राष्ट्रपति भवनमा आयोजित विशेष समारोहमा नेपालको संविधानको धारा ८० बमोजिम मन्त्री न्यौपानेले पद तथा गोपनीयताको शपथ लिएकी हुन्। प्रधानमन्त्री केपी शर्मा ओलीको सिफारिसमा राष्ट्रपति पौडेलले मंगलबार अपराह्न न्यौपानेलाई मन्त्री नियुक्त गरेका थिए।
एमालेकै प्रतिनिधि सभा सांसद राजकुमार गुप्ता यसअघि संघीय मामिला तथा सामान्य प्रशासन मन्त्री थिए। गुप्ताले मंगलबार नै पदबाट राजीनामा दिएका थिए। ७८ लाख रुपैयाँ घुस डिल गरेको अडिओ सार्वजनिक भएपछि मन्त्री गुप्ताले राजीनामा दिएका थिए।
रिक्त स्थानमा प्रधानमन्त्रीको सिफारिसमा न्यौपानेलाई मन्त्री नियुक्त गरिएको थियो।
