विधान महाधिवेशनको तयारीबारे एमाले सचिवालयमा छलफल
प्रकाशित मिति : 17 July, 2025 2:29 pm
सुशासन नेपाल
0
Shares
काठमाडौँ — नेकपा एमालेको सचिवालय बैठक आज पार्टी मुख्यालय, च्यासलमा बस्दैछ । कार्यालय सचिव भीष्म अधिकारीले दिउँसो १ बजे बस्ने बैठकमा पार्टीको दोस्रो विधान महाधिवेशनबारे छलफल हुने जानकारी दिए।
पार्टीको विधान महाधिवेशन आगामी भदौ २० देखि २२ गतेसम्म ललितपुरको गोदावरी गर्नेगरी एमालेले आवश्यक तयारी गरिरहेको छ ।यस्तै सोही विधान महाधिवेशन तयारीका लागि यही साउन २ गते एमालेको पोलिटब्युरो र साउन ५ गते केन्द्रीय कमिटी बैठक बस्ने भएको छ ।
आज बस्ने एमाले सचिवालय बैठकले पोलिटव्युरो र केन्द्रीय कमिटी बैठकका कार्यसूचि तय गर्ने कार्यालय सचिव अधिकारीले बताए।यसअघि गत असार ११ गते एमालेको ५३औँ सचिवालय बैठक बसेको थियो ।
