कांग्रेस बहुमत ल्याउने लक्ष्य लिएर अघि बढेको छ : उपसभापति शर्मा
सुशासन नेपाल
काठमाडौँ — नेपाली कांग्रेसका उपसभापति विश्वप्रकाश शर्माले दलहरू चुनावी गठबन्धन नगरी प्रतिस्पर्धामा जानु सकारात्मक रहेको बताएका छन्।
रूपन्देहीमा आज नेता कार्यकर्ताहरूसँगको संवादमा उनले भने, ‘चुनावमा प्राय: दल गठबन्धन नगरेर गएका छौं, यो सकारात्मक कुरा होl कांग्रेस बहुमत ल्याउने लक्ष्य लिएर अघि बढेको छl यो आफ्नो ठाउँमा छ, तर हामी चाहन्छौं- प्रधानमन्त्री ५ वर्ष टिक्न/टिकाउन संवैधानिक व्यवस्थानै गरौंl’
प्रत्यक्षको सिट र लोकप्रिय मतको आधारमा पहिलो हुने दलको प्रधानमन्त्रीले पुरै ५ वर्ष शासन गर्ने कथं बहुमत नपुगेमा `विनर्स टेक अल´ को नीति बमोजिम अपुग संख्या सुनिश्चित गर्ने, दोस्रो/तेस्रो लगायतका दल सरकारमा नगएर पुरै ५ वर्ष प्रतिपक्षी कित्तामा बस्ने वा यस्तै कुनै अवधारणामा चुनाव पूर्व राष्ट्रिय सहमति गर्न सकिने उनले बताए।
सभामुख चयनपछि बस्ने संसदको पहिलो बैठकबाट त्यो सहमतिलाई संविधानमा अंकित गर्नसमेत उनको प्रस्ताव छ। साथै उनले चुनावअघि नै बृहत सम्मेलन गरी संोिधान र समग्र पद्धतिमा सुधार गर्न आग्रह गरेका छन्।
‘चुनाव पूर्व सरकार, दलहरू, बौद्धिक क्षेत्र र जेनजी सहितको गोलमेच भनौं या वृहत् सम्मेलन भनौं त्यसबाट वर्तमान संविधान र समग्र पद्धतिमा दर्जन बढी सुधारको सहमति गरौं,’ उनले भने।
