कांग्रेस सभापति गगन थापाको राजीनामा अस्वीकृत
प्रकाशित मिति : 22 March, 2026 8:52 pm
सुशासन नेपाल
38
Shares
काठमाडौँ — कांग्रेस सभापति गगन थापाले दिएको राजीनामा केन्द्रीय समितिले अस्वीकृत गरेको छ । थापाले गत बुधबार उपसभापति विश्वप्रकाश शर्मासमक्ष राजीनामा बुझाएका थिए ।
शर्माले शुक्रबार केन्द्रीय समिति बैठकमा प्रस्तुत गरेको थापाको राजीनामा आइतबार अस्वीकृत गरेको हो । केन्द्रीय समितिमा बोल्ने ८८ जना पदाधिकारी तथा सदस्यहरुमध्ये सबैले राजीनामा अस्वीकृत गर्नुपर्ने धारणा राखेका थिए ।
राजीनामा अस्वीकार गर्ने आधारहरू
- निर्वाचन पराजयका प्रमुख कारणहरू संरचनागत समस्या तथा नियन्त्रणबाहिरका परिस्थितिहरू रहेको
- वर्तमान जटिल राष्ट्रिय परिस्थितिमा सभापति थापाको नेतृत्व अझ आवश्यक रहेको अनुभूति भएको
- राजीनामा स्वीकार गर्दा पार्टीभित्र अनावश्यक अस्थिरता, अन्योल तथा कार्यकर्ताको मनोबलमा गिरावट आउने सम्भावना रहेकोले
- राजीनामा बाध्यकारी नभई नैतिक र स्वेच्छिक विषय भएकाले यसको सम्मान गर्दै अस्वीकार गर्नु उपयुक्त देखिएकोले
- सामूहिक जिम्मेवारीको सिद्धान्त तथा पार्टी नेतृत्वको स्थायित्वको आवश्यकताको सिद्दान्तमा आधारित रहेकोले
- विशेष महाअधिवेशन पश्च्यात प्रारम्भ गरिएको सुधार कार्यक्रम (कांग्रेस २.०) कार्यान्वयनको निरन्तरता आवश्यक रहेकोले
- पार्टीलाई आगामी १५औँ महाधिवेशनतर्फ केन्द्रित गर्नुपर्ने आवश्यकता भएकोले
- केन्द्रीय कार्यसमितिको पूर्ण बैठकबाट सर्वसम्मत निर्णय भएकोले
