राष्ट्रपतिद्धारा संघीय संसदको अधिवेशन आह्वान
प्रकाशित मिति : 22 April, 2026 10:00 pm
सुशासन नेपाल
0
Shares
काठमाडौँ – राष्ट्रपति रामचन्द्र पौडेलले संघीय संसदको अधिवेशन आह्वान गरेका छन्। मन्त्रिपरिषद्को सिफारिसमा राष्ट्रपति पौडेलले वैशाख १७ गते बस्ने गरी संघीय संसदको अधिवेशन आह्वान गरेका हुन्।
वैशाख ८ गते बसेको मन्त्रिपरिषद्को सिफारिसबमोजिम राष्ट्रपति पौडेलबाट दुवै सदनको अधिवेशन आह्वान भएको राष्ट्रपति कार्यालयका प्रवक्ता रितेशकुमार शाक्यले जानकारी दिए।
‘…नेपाल सरकार मन्त्रिपरिषद्को मिति २०८३/०१/०८ को सिफारिसमा संवत् २०८३ साल वैशाख १७ गते बिहीबारका दिन १४:०० बजे संघीय संसद भवन, सिंहदरबारमा संघीय संसदको दुवै सदनको अधिविशन आह्वान गर्नुभएको छ,’ राष्ट्रपति कार्यालयले जारी गरेको विज्ञप्तिमा भनिएको छ।
यो अधिवेशनमा प्रि–बजेट, बजेटलगायतका विषयमा छलफल हुनेछ। सरकारले जेठ १५ गते आगामी आर्थिक वर्षका लागि संसदमा बजेट पेस गर्नुपर्ने छ।
