नेपालले पनि भारतको जग्गा धेरै ठाउँमा मिचेको रहेछ : प्रधानमन्त्री बालेन
सुशासन नेपाल
काठमाडौँ- प्रधानमन्त्री वालेन्द्र शाह (बालेन) ले नेपाल-भारत सीमा विवाद एकतर्फी मात्र नभएको बताएका छन्। उनले भारतले नेपालको भूमि अतिक्रमण गरेको मात्र नभई केही स्थानमा नेपालले पनि भारततर्फको भूमि प्रयोग गरेको तथ्य आफू प्रधानमन्त्री बनेपछि मात्रै स्पष्ट भएको बताएका हुन्।
‘भारतले नेपालको जग्गा मात्रै मिचेको छैन, नेपालले पनि भारतको जग्गा धेरै ठाउँमा मिचेको रहेछ’, प्रधानमन्त्री शाहले आइतबार प्रतिनिधिसभा बैठकमा सांसदहरूले उठाएको प्रश्न गर्दै भने, ‘यो कुरा म प्रधानमन्त्री भएपछि मात्रै थाहा पाएँ।’
उनले नेपाल-भारत सीमा विवादलाई आपसी अध्ययन र कूटनीतिक संवादमार्फत समाधान गर्ने बताए। प्रधानमन्त्रीका अनुसार अनुसार दुवै देशले आआफ्नो तर्फबाट विस्तृत अध्ययन गर्ने र ऐतिहासिक तथा प्राविधिक आधारमा तथ्य पहिचान गर्ने प्रक्रिया अघि बढाइनेछ। प्रधानमन्त्री शाहले मित्रतापूर्ण ढंगले समाधान गर्नुपर्नेमा जोड दिँदै भने, ‘हामीले मिचेका छौँ, उहाँहरूले मिच्नुभएको छ भन्ने कुरा अध्ययन गरेर, बसेर साथीका रूपमा समाधान गर्ने सोच राखेका छौँ।’
