बालकोटमा शेखर कोइराला र केपी शर्मा ओलीविच भेटवार्ता
सुशासन नेपाल
काठमाडौं । नेपाली कांग्रेसका नेता शेखर कोइराला प्रमुख विपक्षी दल नेकपा एमालेका अध्यक्ष केपी शर्मा ओलीलाई भेट्न उनको निवास बालकोट पुगेका छन् ।
मिलेनियम च्यालेन्ज कर्पोरेसन (एमसिसी), स्थानीय निकायको निर्वाचन र समसामयिक राजनीतिका बारेमा ओली-कोइरालाबीच मंगलबार साँझ छलफल भएको हो। एमसिसीबाट उत्पन्न परिस्थिति र एमालेले गरिरहेको संसदको अवरोध हटाउने विषयमा दुई नेताबीच छलफल भएको कोइरालाका स्वकीय सचिव दिनेशचन्द्र थपलियाले बताए।
‘दुई जनाबीच एमसिसी, स्थानीय निकायको निर्वाचन र संसदको अवरोध कसरी हटाउने विषयमा छलफल भएको छ,’ थपलियाले भने।
उनका अनुसार कोइराला ओलीलाई भेट्न उनकै निवास बालकोट पुगेका थिए। अहिले एमसिसी कसरी अगाडि बढाउने भन्ने विषयमा सत्तारुढ दलहरूमै विवाद छ भने सभामुख अग्नि सापकोटाले एमसिसी संसदमा टेबल गर्न सकिरहेका छैनन्। सभामुखले एमसिसी टेबल गर्न नसक्दा प्रतिनिधिसभाको बैठक नै स्थगित गरिएको छ।
यसैगरी, निर्वाचन आयोगले वैशाख ३० मा स्थानीय निकायको निर्वाचन गर्ने मिति तय गरेको छ। प्रधानमन्त्री शेरबहादुर देउवाले सो मितिमा स्थानीय तहको निर्वाचन गर्नका लागि पाँचदलीय गठबन्धनमा छलफल गरिरहेका छन्।
एमसिसी अगाडि बढाउने विषयमा देउवाले पनि सत्तारुढ गठबन्धन तथा प्रतिपक्षी दल एमालेसँग छलफल गरिरहेका छन्। केही समयअघि ओलीनिवास पुगेर देउवाले संसदको अवरोध र एमसिसी तथा स्थानीय निकायको चुनावबारे छलफल गरेका थिए।
यो सिलसिला जारी रहँदा कांग्रेसमा देउवाइतर समूहको नेतृत्व गरेका कोइराला पनि ओलीसँग छलफल गर्न पुगेका हुन्। तोकिएकै समयमा स्थानीय निकायको निर्वाचन गर्ने विषयमा ओलीले अडान लिइरहेका थिए भने कोइरालाले पनि स्थानीय निकायको चुनाव तोकिएकै समयमा हुनुपर्ने धारणा सार्वजनिक गरिरहेका थिए।
ठिक यहीबेला ओली र कोइरालाबीच भएको भेटलाई महत्वका साथ हेरिएको छ। कोइरालाका स्वकीय सचिव थपलियाले तीन वटै विषयमा सकारात्मक कुरा भएको बताए।
एमसिसी अगाडि बढाउने विषयमा देउवाले पनि सत्तारुढ गठबन्धन तथा प्रतिपक्षी दल एमालेसँग छलफल गरिरहेका छन्। केही समयअघि ओलीनिवास पुगेर देउवाले संसदको अवरोध र एमसिसी तथा स्थानीय निकायको चुनावबारे छलफल गरेका थिए।यो सिलसिला जारी रहँदा कांग्रेसमा देउवाइतर समूहको नेतृत्व गरेका कोइराला पनि ओलीसँग छलफल गर्न पुगेका हुन्।
तोकिएकै समयमा स्थानीय निकायको निर्वाचन गर्ने विषयमा ओलीले अडान लिइरहेका थिए भने कोइरालाले पनि स्थानीय निकायको चुनाव तोकिएकै समयमा हुनुपर्ने धारणा सार्वजनिक गरिरहेका थिए।
