गठबन्धनलाई कानुनविद्हरूको सुझाव : राष्ट्रपतिको कदम असंवैधानिक
काठमाडौं । राष्ट्रपति विद्यादेवी भण्डारीले नागरिकता विधेयक प्रमाणीकरण नगरेपछि पाँच दलीय सत्ता गठबन्धनले कानुनविद्हरूसँग छलफल परेको छ ।
बुधबार बालुवाटारमा भएको छलफलमा सबै कानुनविद्हरूले राष्ट्रपतिबाट असंवैधानिक कदम चालिएको बताएको सञ्चारमन्त्रीसमेत रहेका सरकार प्रवक्ता ज्ञानेन्द्रबहादुर कार्कीले जानकारी दिए ।
“सबै कानुनविद्हरूले राष्ट्रपतिबाट असंवैधानिक कदम चालिएको तर्क गर्नुभएको छ । आवश्यकता अनुसार छलफल गरेर निर्णय लिनेछौँ,” उनले भने । आजको बैठकमा सिट बाँटफाँटबारे कुनै छलफल भएन ।