प्रत्यक्षतर्फ कांग्रेसको र समानुपातिकमा एमालेको अग्रता कायमै
सुशासन नेपाल
काठमाडौं । पाँच दिनदेखि जारी प्रतिनिधि सभाको मतगणनामा शुक्रवार बिहान सम्म १२० सिटको अन्तिम परिणाम सार्वजनिक भएको छ।
सार्वजनिक भएको मतपरिणामअनुसार अहिलेसम्म सबैभन्दा धेरै सिट नेपाली कांग्रेसले जितेको छ। कांग्रेसले ४१ सिट जित्दै १२ स्थानमा अग्रता लिईरहेको छ । नेकपा एमालेले ३० क्षेत्रमा जित हासिल गरेका छ भने १६ क्षेत्रमा अग्रता लिईरहेको छ । राष्ट्रिय स्वतन्त्र पार्टी ७ जित सहित १ स्थानमा अग्रता छ । माओवादी केन्द्रले १२ जित सहित ६ स्थानमा अगाडी देखिएको छ।
नेकपा (एकीकृत समाजवादी)ले १० जित निकालेको छ । राप्रपाले ५ स्थानमा विजय भएको छ भने २ स्थानमा अग्रता लिईरहेको छ । नागरिक उन्मुक्ति पार्टी, लोसपा र जसपा दुई दुई ठाउँमा जित निकालेका छन्। अब ४२ क्षेत्रको मत आउन बाकि छ भने दोलखा, स्याङ्जा र बाजुराको मतगणना विवाद भई गणना स्थगीत भएको छ । त्यी स्थानमा गणना सुचारु गर्न आयोगले परामर्श गरिरहेको छ ।
