प्रतिनिधि सभा : नेपाली कांग्रेस सत्तापक्ष र नेकपा एमाले प्रतिपक्षको बेन्चमा
सुशासन नेपाल
काठमाडौँ । संसद्को पहिलो ठूलो दल नेपाली कांग्रेस प्रतिनिधि सभामा सत्तापक्षको बेन्चमा सरुवा भएको छ। पुस १० गतेपछि प्रमुख प्रतिपक्षी बनेको कांग्रेस करिब ३ महिनापछि सत्तापक्षको बेञ्चमा सरेको हो।
आइतबार बसेको प्रतिनिधिसभाको बैठकमा कांग्रेस सत्तापक्षको बेञ्चमा बसेको हो। प्रतिनिधिसभाको बैठक अघि बसेको कांग्रेसको केन्द्रीय कार्यसम्पादन समितिको बैठकले सत्तापक्षको बेन्चमा बस्ने निर्णय गरेको थियो।
दोस्रो ठूलो दल नेकपा एमाले भने सत्तापक्षबाट प्रतिपक्षको बेञ्चमा पुगेको छ। एमाले अन्तिम पटक फागुन १५ गते बसेको प्रतिनिधिसभाको बैठकमा सत्तापक्षको बेञ्चमा बसेको थियो।
राष्ट्रपतिको निर्वाचनमा नेकपा एमालेले कांग्रेसलाई समर्थन गरेपछि एमालेले सरकारबाट समर्थन फिर्ता लिएको थियो। एमालेले समर्थन फिर्ता लिएपछि प्रमुख प्रतिपक्षको बेञ्चमा को बस्ने भन्ने विवादका कारण फागुन १७ गते बोलाइएको प्रतिनिधिसभाको बैठक आजसम्मका लागि स्थगित भएको थियो।
