सार्वजनिक यातायातको बढ्यो भाडा [भाडादर सहित]
सुशासन नेपाल
काठमाडौँ – सरकारले सार्वजनिक यातायातको भाडा बढाएको छ । सोमबारदेखि लागू हुने गरी नेपाल सरकारको भौतिक पूर्वाधार तथा यातायात मन्त्रालयको मन्त्रीस्तरको सहमतिमा अन्तरप्रदेश सार्वजनिक यातायातका सवारी साधनका यात्रुवाहक र मालवाहक सवारी साधनको भाडादर समायोजन गर्दै भाडा बढाइएको हो ।
यातायात व्यवस्था विभागले सार्वजनिक यातायात सञ्चालनसँग सम्बन्धित लगानी तथा खर्च सम्बन्धमा बजार अध्ययन गरेर श्रमिकहरूको पारिश्रमिक, इन्धन, टायर, ब्याज, सञ्चालन खर्च, ह्राककट्टी र सञ्चालन मुनाफालगायतका मुख्य सूचकहरूमा भएको मूल्यवृद्धिलाई ध्यानमा राख्दै नयाँ भाडादर लागू गरिएको बताएको छ ।
२०७२ को संविधानले सार्वजनिक यातायात व्यवस्था ऐन २०४९को अधिकार प्रयोग गर्दै दुई वा सोभन्दा बढी प्रदेश भई राष्ट्रियस्तरका सार्वजनिक यातायातका रुटमा सञ्चालन हुने सार्वजनिक सवारी साधनमा नयाँ भाडादर आजदेखि ( २०८१ पुस २२) लागू हुने गरी समायोजन भएको हो ।
जसअनुसार यात्रुवाहक सवारी साधनमा ३.३० प्रतिशत वृद्धि हुँदा पहाडी बाटोमा सञ्चालन हुने मालवाहक सवारी साधनमा ०.८१ प्रतिशत र तराई मार्गमा सञ्चालन हुने मालवाहक सवारी साधनमा ०.०५ प्रतिशत वृद्धि भएको छ।
नयाँ भाडादर सबै अन्तरप्रदेश छोटो, मध्यम र लामो दूरीका सार्वजनिक यातायातका रूटमा लागू हुनेछ। यसबाहेक तोकिएको भाडामा डिलक्स र सुपर डिलक्स सुविधा लिएका सार्वजनिक सवारी साधनले २० प्रतिशतसम्म थप भाडा लिन सक्ने छन् । विभागका अनुसार यसका लागि ब्लू बुकमा डिलक्स सुविधा लिएको उल्लेख हुनुपर्ने प्रावधान राखिएको छ।
कहाँको भाडा कति ?
