आपराधिक घटनामा संलग्न कसैले पनि उन्मुक्ति पाउँदैन : प्रधानमन्त्री ओली
प्रकाशित मिति : 31 March, 2025 12:33 pm
सुशासन नेपाल
0
Shares
काठमाडौँ – प्रधानमन्त्री केपी शर्मा ओलीले गत शुक्रबारको आपराधिक घटनामा संलग्न कसैले पनि उन्मुक्ति नपाउने बताएका छन् ।सोमबार प्रतिनिधिसभाको बैठकको सुरुवातमै सम्बोधन गर्दै प्रधानमन्त्री ओलीले गत चैत १५ गते काठमाडौंको तीनकुनेमा घटाइएको आपराधिक घटनामा संलग्न भएको खण्डमा पूर्वराजा ज्ञानेन्द्र शाह पनि उन्मुक्ति नपाउने बताए ।
प्रधानमन्त्री ओलीले इतिहासको कुनामा फ्याँकिसकेको व्यक्तिसँग सामेल भएर घटाइएको हिंस्रक घटनामा संलग्न जोसुकैमाथि कडा प्रशासनिक कारबाही हुने बताए ।
व्यक्ति हत्या, सार्वजनिक सम्पत्ति तोडफोड र आगजनी गर्नेमाथि गृह मन्त्रालयबाट छानबिन भइरहेको र विस्तृत विवरण प्रतिवेदनका रुपमा आउने उनले बताए । सम्बोधनकै क्रममा उनले एक वर्षदेखि संविधान र सरकारमाथि बारम्बार प्रहार समेत भएको बताए ।
