पेनाल्टी सुआउटमा भारतमाथि नेपालको जित
प्रकाशित मिति : 29 October, 2025 9:18 pm
सुशासन नेपाल
38
Shares
काठमाडौँ – मैत्रीपूर्ण ‘च्यारिटी म्याच’ मा नेपालले भारतलाई पराजित गरेको छ। भारतको सिक्किमस्थित पाल्जोर रंगशालामा बुधबार खेलमा नेपालले भारतलाई टाइब्रेकरमा हराएको हो।
नेपाल र भारतले समान १–१ गोल गरेपछि खेल टाइब्रेकरमा पुगेको थियो। भारतकी सोम्या गुगुलोथ र नेपालका लागि रश्मीकुमारी घिसिङले गोल गरेका थिए। खेल टाइब्रेकरमा पुग्दा नेपालकी गोलकिपर अञ्जना रानामगरले एक गोल पनि छिर्न दिइनन्। यता नेपालले भने टाइब्रेकरमा ३ गोल गरेको थियो।
नेपालका लागि सविता रानामगर, रश्मीकुमारी घिसिङ र निशा थोकर गरे। अनिता बस्नेको प्रहार भने बाहिरियो। भारतका लागि कुनै पनि खेलाडीले पेनाल्टीमा गोल गर्न सकेनन्। प्रियदर्शनी र अस्तम ओरमको प्रहारलाई नेपाली गोलपिकर अञ्जना रानामगरले बचाउँदा सन्तोषको प्रहार बाहिरिएको थियो।
