कांग्रेसको निर्णय : कर्णाली सरकारमा बीसी र शाहीलाई पठाउने
प्रकाशित मिति : २३ माघ २०७८, आईतवार १५:२०
सुशासन नेपाल
0
Shares
२३ माघ, सुर्खेत । नेपाली कांग्रेसले कर्णाली प्रदेश सरकारमा मन्त्रीका लागि दुई जनाको नाम टुंगो लगाएको छ ।
मुख्यमन्त्री एवं संसदीय दलका नेता जीवनबहादुर शाहीले सुर्खेतका यज्ञबहादुर बीसी र दैलेखका हिमबहादुर शाहीलाई मन्त्री बनाउन लागेको मुख्यमन्त्रीको निजी सचिवालयले जनाएको छ ।
बिसी शाही संस्थापन समूहका हुन् । उनीहर”सँगै शेखर कोइराला समूहबाट जुम्लाका दिनबन्धु श्रेष्ठ पनि दावेदार थिए । उनी माओवादी केन्द्रका मुख्यमन्त्री महेन्द्रबहादुर शाहीको सरकारमा जलस्रोत तथा उर्जा विकासमन्त्री बनेका थिए । बीसी पनि शाही सकरारमा सामाजिक विकासमन्त्री थिए ।
अहिले मन्त्री बन्न लागेका शाही, संसदीय दलका सचेतक पनि हुन् । ‘मैले त सकेसम्म एकजना महिला सांसदलाई पालो दिने सोचेको थिए । तर, सबैकुरा मेरो सोच मुताविक नहुने रै’छ,’ मुख्यमन्त्री शाहीले अनलाइनखबरसँग भने ।
