प्रशासनीक सुधारका लागि प्रधानमन्त्री प्रचण्डले गरे सचिवहरूसँग छलफल
प्रकाशित मिति : 2 January, 2023 4:46 pm
सुशासन नेपाल
0
Shares
काठमाडौं । प्रधानमन्त्री पुष्पकमल दाहाल प्रचण्डले सेवा प्रवाहमा सहजता र आवश्यक सुधारका सम्बन्धमा सचिवहरूसँग छलफल गरेका छन्। प्रधानमन्त्री कार्यालय सिंहदरबारमा सबै मन्त्रालय तथा कार्यालय र सातै प्रदेशका प्रमुख सचिवहरूलाई डाकेर प्रधानमन्त्रीले छलफल गरेका हुन्।
छलफल तत्कालीन समस्या र आधारभूत सेवा प्रवाहमा सहजता ल्याउने सम्बन्धमा केन्द्रित रहेको थियो। बिहान ११ बजेदेखि सुरु भएको बैठक २ बजेसम्म चलेको थियो।
यही विषयमा भोलि मंगलबार पनि बैठक बस्ने बताइएको छ। भोलिको बैठकमा सचिवहरूको रिपोर्ट सुनिसकेपछि प्रधानमन्त्रीले निर्देशनात्मक सम्बोधन गर्ने कार्यसूची छ।
