खानी तथा भूगर्व विभागका महानिर्देशक सहित १८ जना विरुद्ध मुद्दा
सुशासन नेपाल
काठमाडौं । अख्तियार दूरुपयोग अनुसन्धान आयोगले खानी तथा भूगर्व विभागका महानिर्देशक सहित १८ जना विरुद्ध अनियमितता आरोपमा मुद्दा दायर गरेको छ। अख्तियार स्रोतका अनुसार विभागका महानिर्देशक रामप्रसाद घिमिरे सहित १८ जना र ९ कम्पनीविरुद्ध विशेष अदालतमा मुद्दा दायर गरिएको हो।
उनीहरुविरुद्ध १ अर्व २४ करोड बढी रकम विगो कामय गरेर मुद्दा दायर गरिएको अख्तियार स्रोतले जानकारी दिएको छ। आयोगका अनुसार चुनढुंगा उत्खननमा अनियमितता भएको भन्दै परेको उजुरीको अनुसन्धानका क्रममा खानी सञ्चालकसँग मिलेर प्राकृतिक स्रोतसाधन दोहनमा सघाएको अख्तियारले ठहर गरेको छ।
चुनढुंगा उत्खननमा अनियमितता भएको भन्दै परेको उजुरीको अनुसन्धानका क्रममा खानी सञ्चालकसँग मिलेर प्राकृतिक स्रोत दोहनमा सघाएको पुष्टि भएको छ,’ अख्तियार स्रोतले भन्यो,‘ ‘खानी विभागका महानिर्देशक सहित १८ जना र ९ कम्पनीविरुद्ध आज विशेष अदालतमा मुद्दा दायर गरिएको हो।’
