रास्वपा र राप्रपाले गरे संसद अवरूद्ध
प्रकाशित मिति : 16 July, 2023 6:40 pm
सुशासन नेपाल
0
Shares
काठमाडौँ । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले वेल घेरेपछि प्रतिनिधि सभाको आजको बैठक स्थगित भएको छ।सभामुख देवराज घिमिरेले १५ मिनेटका लागि बैठक स्थगित गरेका हुन्।
रास्वपा र राप्रपाका सांसदहरू बसेको ठाउँबाट उठेर वेलतर्फ गएपछि सभामुखले बैठक स्थगित गरेका हुन्। रास्वपा प्रमुख सचेतक सन्तोष परियारले केही नेपाल ऐन संशोधन गर्न बनेको विधेयक २०८० माथि छलफल भइरहे पनि सभामुखले निर्णयार्थ प्रस्ताव पेश नगरेको बताएका थिए।
यसपछि सभामुख घिमिरेले प्रस्तावमाथि घोषणा हुँदा सांसदहरूले आपत्ति नजनाएको उल्लेख गरेका थिए। रास्वपा र राप्रपाले विधेयक प्रस्तुत गर्ने विधिमा प्रश्न उठाएर रोष्टम घेराउ गरेका हुन्।
