माओवादीको तेस्रो दिनको बैठकमा केन्द्रीय सदस्यहरूलाई बोल्दै
प्रकाशित मिति : १९ श्रावण २०८०, शुक्रबार १३:१३
सुशासन नेपाल
76
Shares
काठमाडौँ । नेकपा माओवादी केन्द्रको केन्द्रीय कमिटी बैठक जारी छ। कमलादीस्थित प्रज्ञा भवनमा शुक्रबार तेस्रो दिनको बैठक सुरू भएको हो।आजको बैठकमा पनि अध्यक्ष पुष्पकमल दाहाल ‘प्रचण्ड’ले पहिलो दिन प्रस्तुत गरेको राजनीतिक तथा सांगठनिक प्रतिवेदनमाथि केन्द्रीय सदस्यहरूले धारणा राख्नेछन्।
प्रचण्डको प्रतिवेदनमाथि अहिलेसम्म ७४ जनाले धारणा राखिसकेका छन्। पहिलो दिन १८ जना र बिहीबार ५६ जनाले धारणा राखेको उपाध्यक्ष तथा पार्टीका प्रवक्ता कृष्णबहादुर महराले जानकारी दिएका छ्न। यसपालि सबै केन्द्रीय सदस्यहरूलाई बोल्न दिने माओवादीको तयारी छ। केन्द्रीय सदस्यहरूलाई बोल्नका लागि ५ मिनेटको समय निर्धारण गरिएको छ।
बैठकमा केन्द्रीय सदस्य, वैकल्पिक केन्द्रीय सदस्य, विभिन्न आयोगका पदाधिकारी र प्रदेश पदाधिकारी गरी ७५८ जना सहभागी छन्। बैठक साउन २१ सम्म चल्नेछ।
