विश्वकप छनोट : नेपाल बहराइनसँग ५-० ले पराजित
प्रकाशित मिति : 22 March, 2024 11:20 am
सुशासन नेपाल
0
Shares
काठमाडौँ । फिफा विश्वकप-२०२६ छनोटको दोस्रो चरणमा नेपाल बहराइनसँग ५-० ले पराजित भएको छ। गएराति बहराइन राष्ट्रिय रंगशालामा सम्पन्न खेलमा नेपाल ५-० गाेलअन्तरले पराजित भएकाे हाे।
बहराइनको टिमलाई जित दिलाउन माहदी अल हुमाइदान, सायद बाकर, अली मादान इब्राहिम अल खतल र इस्माइल अब्दुल्लातिफले समान १/१ गोल गरे। नेपाली टिमले बल नियन्त्रणमा लिए पनि गाेल गर्न भने सकेन।
नेपालले यसअघि विश्वकप छनोटको तयारीका क्रममा मलेसियासँग अभ्यास खेलेको थियो। साे खेलमा नेपाली टिम १–५ गोल अन्तरले पराजित भएको थियो। दोस्रो चरणको विश्वकप छनोटमा पनि नेपाल र बहराइन भिड्नेछन्। खेल चैत १३ गते हुँदैछ।
विश्व फुटबल महासंघ (फिफा) को पछिल्लो वरीयतामा बहराइन ८२औँ स्थानमा छ भने नेपाल १७५औँ स्थानमा छ।
