मधुपर्क २०८३ बाट तीन जना वरिष्ठ साहित्यकार सम्मानित
प्रकाशित मिति : 13 June, 2026 12:47 pm
सुशासन नेपाल
152
Shares
काठमाडौं – मधुपर्क सम्मान २०८३ बाट तीन जना वरिष्ठ साहित्यकार सम्मानित भएका छन् । सूचना तथा सञ्चारमन्त्री डा। विक्रम तिमिल्सिनाले उहाँहरुलाई नगदसहित सम्मानपत्रले सम्मानित गरे ।
सम्मानित हुनेमा वरिष्ठ साहित्यकार यादव खरेल (पद्य), वरिष्ठ कथाकार भाउपन्थी (गद्य) र मधुपर्क प्रतिभाबाट डा. गीता त्रिपाठी हुन । जनही नगद ५० हजार रुपियाँ र सम्मानपत्रले सम्मानित गरिएको छ । गोरखापत्र संस्थानको साहित्यिक मासिक पत्रिका मधुपर्कले हरेक वर्ष सम्मान प्रदान गर्दै आएको छ ।
सञ्चार तथा सूचना प्रविधिमन्त्री डा. विक्रम तिमिल्सिनाले देशको साहित्य, संस्कृति र सङ्गीत बलियो भयो भने अन्य पक्ष पनि बलियो हुने बताए । सम्मान कार्यक्रममा गोरखापत्र संस्थानले भाषा साहित्य क्षेत्रमा उत्कृष्ट काम गरिरहेको बताउँदै यसको समृद्धिका लागि सबैको साथ आवश्यक रहेको बताए ।
