महालेखापरीक्षक रायद्वारा पद तथा गोपनीयताको शपथग्रहण
प्रकाशित मिति : 18 April, 2024 5:01 pm
सुशासन नेपाल
0
Shares
काठमाडौँ । नवनियुक्त महालेखापरीक्षक तोयम रायाले पद तथा गोपनीयताको शपथग्रहण गरेका छन् । बिहीबार शितल निवासमा राष्ट्रपति रामचन्द्र पौडेलको समुपस्थितिमा प्रधानन्यायाधीश विश्वम्भरप्रसाद श्रेष्ठले नवनियुक्त महालेखापरिक्षक रायालाई पद तथा गोपनीयताको शपथ गराएका हुन्।
कार्यक्रममा उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल र मन्त्रीहरुलगायत संवैधानिक निकायका प्रमुखहरूको उपस्थिति रहेको थियो ।
नेपाल सरकारको सचिव रहेका रायलाई सरकारले महालेखापरीक्षक नियुक्त गरेको हो । पूर्वअर्थसचिव समेत रहेका राय प्रधानमन्त्री कार्यालयमातहतको तथ्यांक कार्यालयमा सचिव थिए । महालेखापरीक्षक नियुक्तिका लागि सिफारिस भएपछि उनले पदबाट राजीनामा दिएका हुन् ।
