भारी वर्षाका कारण नेपाल र अमेरिकाबीचको अभ्यास खेल रद्द
प्रकाशित मिति : 31 May, 2024 11:50 am
सुशासन नेपाल
0
Shares
काठमाडौँ । नेपाल र अमेरिकाबीचको अभ्यास खेल रद्द भएको छ। अन्तर्राष्ट्रिय क्रिकेट परिषद् (आईसीसी) ले सार्वजनिक गरेको आधिकारिक तालिकाअनुसार नेपालले एशाेसिएट राष्ट्रहरू अमेरिका र क्यानडासँग अभ्यास खेल खेल्ने तय थियो।
उक्त तालिकाअनुसार नेपालले पहिलो अभ्यास खेल क्यानडासँग खेलेको थियो। सो खेलमा नेपाल ६३ रनले पराजित भएको थियो। ग्राण्ड प्रिएरी क्रिकेट रंगशाला, टेक्सासमा हुने नेपाली समयअनुसार राति ९:१५ बजेबाट तय भएको अमेरिकासँगको अभ्यास खेल भने भारी वर्षा भएसँगै खेल रद्द गरिएको हो।
