टी-२० विश्वकप : बंगलादेशलाई हराउँदै अफगानिस्तान सेमिफाइनलमा, अस्ट्रेलिया बाहिरियो
सुशासन नेपाल
काठमाडौँ । अफगानिस्तानले ट्वान्टी-२० २०२४ को सुपर–एटको अन्तिम खेलमा बंगलादेशलाई आठ रनले पराजित गर्दै सेमिफाइनल प्रवेश गरेको छ । कुनै पनि ठूलो आधिकारिक प्रतियोगिताको सेमिफाइनल प्रवेशका लागि अफगानिस्तानलाई जित मात्र विकल्प रहेको थियो ।
वर्षाले प्रभावित खेलमा डीएसएल नियम अनुसार बंगलादेशले जितका लागि १९ ओभरमा १ सय १४ रनको लक्ष्य पाएको थियो र त्यसलाई पछ्याउने क्रममा १ सय ५ रन बनाएर १७.५ ओभरमा अलआउट भएको थियो ।
अफगानिस्तानको यो जितले अस्ट्रेलिया भने प्रतियोगिताबाट बाहिरिएको छ । जितसँगै बंगलादेशको पनि सेमिफाइनल प्रवेशको सम्भावना कायम थियो । तर उसले यसलाई आत्मसात् गर्न सकेन । बंगलादेशका लागि ओपनर लिप्टन दासले सर्वाधिक ५४ रन बनाए र नटआउट रहे ।
यसअघि पहिले ब्याटिङ गरेको अफगानिसतानले २० ओभरमा पाँच विकेट गुमाएर १ सय १५ रन बनाएको थियो । त्यसमा ओपनर रहमनुल्लाह गुरबाजले सर्वाधिक ४३ रन बनाए । बंगलादेशी बलरमध्ये रसद हुसेनले २६ रनमा तीन विकेट लिए ।
यससँगै प्रतियोगिताको सेमिफाइनल पूरा भएको छ । डिफेन्डिङ च्याम्पियन इंग्ल्यान्डले भारत तथा दक्षिण अफ्रिकाले को सामना गर्नेछ । दुवै सेमिफाइनल बिहीबार हुनेछन् ।
