वर्षाले ओमान र नेपालबीचको खेल रद्द
प्रकाशित मिति : १ आश्विन २०८१, मंगलवार १८:१४
सुशासन नेपाल
0
Shares
काठमाडौँ – लगातार खराब खेलिरहेको नेपाली क्रिकेट टिमलाई बुधबार वर्षाले ठूलो राहत दिलाएको छ । आईसीसी मेन्स वर्ल्डकप क्रिकेट लिग–टुमा वर्षाका कारण नेपाल र ओमानबीचको खेल रद्द गरिएको हो । यससँगै नेपालले एक अंक प्राप्त गरेको छ ।
किंग्स सिटीमा हुनु पर्ने खेलमा वर्षाका कारण एकै बल पनि सम्भव भएन । यो नतिजापछि नेपालको आठ खेलबाट तीन अंक भएको छ । नेपालले क्यानाडा भ्रमणको त्रिकोणात्मक शृंखलाका यसअघिका सबै तीनै खेल गुमाएको थियो ।
यसमा क्यानाडाविरुद्धका दुई र ओमानविरुद्धको एक खेल रहेको छ । ओमान भने छ अंकमा नेपालको ठीक माथि छैटौं स्थानमा रहेको छ । शृंखलाको तेस्रो टिम क्यानाडा भने १४ अंकमा शीर्ष स्थानमा छ ।
