संसद् अवरोध खुलाउने बारेमा ओली, देउवा र दाहालबीच भेटवार्ता हुँदै
सुशासन नेपाल
काठमाडौँ – संघीय संसद् लगायतका विषयमा छलफल गर्न प्रधानमन्त्री केपी शर्मा ओली, कांग्रेस सभापति शेरबहादुर देउवा र प्रमुख प्रतिपक्षी दलका नेता माओवादी अध्यक्ष पुष्पकमल दाहालबीच भेटवार्ता हुँदै छ । प्रधानमन्त्री सचिवालयले दिएको जानकारी अनुसार तीन नेताबीच प्रधानमन्त्री तथा मन्त्रिपरिषद्को कार्यालय सिंहदरबारमा सोमबार साँझ ४ बजेट भेटवार्ता हुने भएको हो ।
गृहमन्त्री रमेश लेखकको राजीनामा माग्दै विपक्षी दलहरूले राजीनामा माग गरिरहेको अवस्थामा शीर्ष तीन नेताबीच भेटवार्ता हुन लागेको हो । प्रधानमन्त्री ओलीले सोमाबार संसदीय दलको बैठकमा प्रमुख प्रतिपक्षी दलका नेता दाहालसँग सम्पर्क हुन नसकेको बताएका थिए । संसद्मा जारी अवरोध हटाउनेबारे आफूले खोजी गरिरहेको तर सम्पर्क हुन नसकेको उनको भनाइ थियो ।
प्रधानमन्त्री ओलीले प्रतिनिधिसभाको बैठक मंगलबारदेखि चल्ने बताए । विपक्षी दलहरूले अवरोध गरे पनि बैठक सञ्चालन हुने उनको भनाइ थियो । संसद्मा मंगलबारदेखि सरकारको आगामी वर्षको बजेटमाथि छलफल सुरु हुनेछ ।
