काठमाडौं महानगर प्रमुखका उम्मेदवार काँग्रेस नेत्री सिंहको संकल्पपत्र सार्वजनिक
काठमाडौं । सत्ता गठबन्धनको तर्फबाट नेपाली काँग्रेस काठमाडौं महानगरपालिकाको प्रमुख पदका उम्मेदवार सिर्जना सिंहको संकल्प पत्र सार्वजनिक भएको छ । काठमाडौंमा आयोजित कार्यक्रममा उहाँले सात ‘स’ को सङ्कल्प व्यक्त गर्नुभएको हो ।
बिहीबार माइतीघर हाइटमा चुनावी घोषणापत्र सार्वजनिक कार्यक्रममा आफ्नो मन्तव्य राख्नुहुँदै प्रमुख पदकी उम्मेदवार सिंहले काँग्रेसको सिद्धान्त, आदर्शलाई मनन गरेर त्यसमा लाग्ने बताउनुभएको छ ।
सेवा र सुशासन, स्वास्थ्य, शिक्षा तथा सामाजिक सुरक्षा, स्वच्छ, सफा दिगो पर्यावरण, सुरक्षित सहर, संस्कृति, सम्पदा र सुरक्षा, सबल र समुन्नत पूर्वाधार र सबल युवा, स्वावलम्बी महिला, सिर्जनशील महानगर लगायतका मुख्य बुँदामा आधारित प्रतिबद्धता उहाँले व्यक्त गर्नुभएको हो ।
काठमाडौंस्थित शंकरदेव क्याम्पसबाट २०४१ सालमा बि। कम र त्रिभुवन विश्वविद्यालयबाट समाजशास्त्र विषयमा वि।सं। २०६२ मा स्नाकोत्तर गर्नुभएको हो ।
काठमाडौं महानगर प्रमुख पदको उम्मेदवारी दिदै गर्दा बीपी, किसुनजी, गणेशमान सम्झन चाहन्छु, उहाँले भन्नुभयो – म गणेशमान र मङ्गलादेवीकी बुहारी हुँ ।मेयर भनेको ठूलो पद हो भन्ने छ तर, सबैभन्दा पहिले सुशासनप्रति ध्यान दिइने उहाँको भनाइ छ ।