म भ्रष्टाचार पनि गर्दिनँ र गर्न पनि दिन्नँ भन्ने संकल्पप्रति दृढ छु : प्रधानमन्त्री ओली
प्रकाशित मिति : 24 July, 2025 8:19 am
सुशासन नेपाल
0
Shares
काठमाडौं – प्रधानमन्त्री केपी शर्मा ओलीले ‘म भ्रष्टाचार गर्दिनँ र गर्न पनि दिन्नँ’ भन्ने संकल्पप्रति दृढ रहेको बताएका छन् । बुधबार प्रतिनिधिसभामा प्रधानमन्त्रीसँग प्रश्नोत्तर कार्यक्रममा सांसद महेन्द्रबहादुर शाहीको प्रश्नको जवाफ दिंदै उनले यस्तो बताएका हुन् ।
‘म भ्रष्टाचार गर्दिनँ र गर्न पनि दिन्नँ भन्ने राष्ट्रिय संकल्पप्रति हामी सबै दृढ छौं’ प्रधानमन्त्री ओलीले भने । तथापि, कतिपयले फेसनको रुपमा लाञ्छना लगाउने गरेको उनले बताए । भ्रष्टाचार विरुद्ध शून्य सहनशीलताको नीति लिएर अगाडि बढेको पनि प्रधानमन्त्री ओलीले बताए ।
कसैले केही लेखेकै वा आरोप लगाएका आधारमा नभएर तथ्यका आधारमा सरकारले आवश्यक कदम चाल्ने पनि उनको प्रतिबद्धता छ ।
