एसियन ब्याट्रिजको ब्रान्ड एम्बासडरमा दीपेन्द्रसिंह चयन
सुशासन नेपाल
काठमाडौं — नेपालको ऊर्जा समाधान प्रदायक कम्पनी एसियन ब्याट्रिज लिमिटेडले नेपाली राष्ट्रिय क्रिकेट खेलाडी दीपेन्द्रसिंह ऐरीलाई आधिकारिक ब्रान्ड एम्बासडर चयन गरेको छ ।
कम्पनीले दीपेन्द्रलाई ‘फेस अफ द ब्रान्ड’ को रूपमा सार्वजनिक गरेको हो । मैदानमा दीपेन्द्रले देखाउने असाधारण ऊर्जा, सटिक प्रदर्शन र अटुट भरोसा कम्पनीको मूलमन्त्र ‘चल्छ ढुक्कले’ सँग पूर्ण मेल खाने भएकाले उनीसँग साझेदारी गरिएको कम्पनीले जनाएको छ ।
यो सहकार्यले नेपाली उद्योग र खेलकुद क्षेत्रबीचको सम्बन्धलाई थप मजबुत बनाउने अपेक्षा गरिएको छ । एसियन ब्याट्रिजका अध्यक्ष सुरेश लोहनीले भने, ‘दीपेन्द्रलाई आफ्नो संस्थाको परिवारमा स्वागत गर्न पाउँदा गौरवान्वित महसुस भएको बताउँदै उनको जाँगरिलो व्यक्तित्व र उत्कृष्ट खेल कौशलले आफ्नो ब्रान्डको पहिचानलाई युवावर्ग र देशभरका ग्राहकमाझ नयाँ उचाइमा पुर्याउने विश्वास लिएको बताए ।
क्रिकेटर दीपेन्द्रले प्रतिष्ठित विदेशी ब्रान्डसँग जोडिन पाउँदा निकै उत्साही भएको बताउँदै गुणस्तर र भरोसालाई प्राथमिकता दिने यस कम्पनीसँगको सहकार्यले उपभोक्तामाँझ सकारात्मक ऊर्जा प्रवाह हुनेमा विश्वस्त रहेको बताए ।
यो साझेदारीले एसियन ब्याट्रिजको बजार विस्तार र ब्रान्ड भ्याल्यूलाई आगामी दिनमा थप सुदृढ बनाउने र युवापुस्तामाँझ दीपेन्द्रको लोकप्रियताले कम्पनीको डिजिटल र ग्राउन्ड लेभल क्याम्पेनलाई थप प्रभावकारी बनाउने अपेक्षा छ ।
