विरुवा गाउँपालिकामा रोजगारीको अवसर खुल्यो
स्याङ्जा । विरुवा गाउँपालिकामा रिक्त रहेका पदहरुमा पदपूर्तिका लागि विभिन्न तहहरुमा रोजगारीको अवसर खुलेका छन् । कार्यापालिकाको निर्णय अनुसार विभिन्न सेवाहरुमा थप परिष्कृत गर्दै नागरिकलाई प्रभावकारी सेवा प्रभाह र रोजगारी सिर्जना गर्नका लागि यी पदहरुमा रोजगारी आह्वान गरिएको हो ।
नेपाल सरकारद्वारा सञ्चालित श्रम, रोजगार तथा समाजिक सुरक्षा मन्त्रालय (प्रधानमन्त्री रोजगार कार्यक्रम) अन्तर्गत विरुवा गाउँपालिकाको रोजगार सेवा केन्द्रको लागि आवश्यक रोजगार संयोजक र रोजगार सहायक पद करारमा दरखास्त आह्वाहन गरिएको छ ।
विज्ञापन अनुसारको योग्यता पुगेका इच्छुक नेपाली नागरिकले यो सूचना प्रकाशित भएको मितिले १५ दिन भित्र माग बमोजिमका बिवरण र राजश्व तिरेको रसिद सहित यस कार्यालयमा निवेदन दिनु हुन पालिकाले अनुरोध गरेको छ ।
त्यस्तै, विरुवा गाउँपालिकाका विभिन्न स्वास्थ्य चौकीहरुमा रिक्त पद करारमा पदपूर्तिका लागि पनि दरखास्त आह्वाहन गरिएको छ । योग्यता पुगेका इच्छुक नेपाली नागरिकले यो सूचना प्रकाशित भएको मितिले १५ दिन भित्र माग बमोजिमका विवरण र राजश्व तिरेको रसिद सहित यस कार्यालयमा निवेदन दिनु पालिकाले अनुरोध गरेको छ ।
थप जानकारीका लागि विरुवा गाउँपालिकाको वेवसाईटमा गएर यो लिंकबाट हेर्न पनि सक्नुहुन्छ ।