प्रतिनिधिसभा समानुपातिक मत : एमालेको अग्रता कायमै, कांग्रेसले पछ्याउदै
प्रकाशित मिति : १० मंसिर २०७९, शनिबार १०:५२
सुशासन नेपाल
266
Shares
काठमाडौँ । प्रतिनिधिसभा सदस्य निर्वाचनको समानुपातिकतर्फ नेकपा (एमाले) ले १८ लाखभन्दा बढी मत प्राप्त गरेको छ । निर्वाचन आयोगले शनिबार बिहान १० बजेसम्म अद्यावधिक गरेको मतपरिणाम अनुसार एमालेले १८ लाख ११ हजार ३९१ मत प्राप्त गरेको छ । त्यसैगरी नेपाली कांग्रेसले १७ लाख ४४ हजार १ सय ४८ मत प्राप्त गरेको छ ।
घण्टी चिह्न भएको राष्ट्रिय स्वतन्त्र पार्टीले सात लाख ४९ हजार ९ सय ९३ मत प्राप्त गरेको छ भने नेकपा (माओवादी केन्द्र) ले अहिलेसम्म सात लाख २६ हजार ९ सय ५७ मत प्राप्त गरेको छ ।
त्यसैगरी राष्ट्रिय प्रजातन्त्र पार्टी (राप्रपा) ले तीन लाख ८२ हजार ९ सय ७७, जनता समाजवादी पार्टी (जसपा) ले दुई लाख ५४ हजार ३२, नेकपा (एकीकृत समाजवादी) ले एक लाख दुई सय ८८ र नागरिक उन्मुक्ति पार्टीले एक लाख ३६ हजार २ सय ६७ मत प्राप्त गरेका छन् ।
