नागरिकलाई दुःख दिने परम्परा र शैली बदल्न आवश्यक : गगन थापा
प्रकाशित मिति : 11 February, 2023 6:40 pm
सुशासन नेपाल
0
Shares
काठमाडौं । नेपाली कांग्रेसका महामन्त्री एवं सांसद गगनकुमार थापाले चिकित्सकमाथि भएको आक्रमणको विरोध गरेका छन् । यस्ता आक्रमण अशोभनीय र दुःखद भएको भन्दै उनले दोषीलाई कारबाहीको माग गरेका छन् ।
तामझामवाला शैलीका कारण राष्ट्रपति संस्थाप्रति नागरिकको धारणा नकारात्मक हुँदै गएको उल्लेख गर्दै थापाले यसलाई सम्मानित र मर्यादित बनाउन नागरिकलाई दुःख दिने परम्परा र शैली बदल्न आवश्यक रहेको जिकिर गरेका छन् ।
शुक्रबार अपराह्न राष्ट्रपति विद्यादेवी भण्डारीको सवारीको क्रममा सुरक्षामा खटिएका प्रहरीको लाठी चार्जबाट राष्ट्रिय ट्रमा सेन्टरका चिकित्सक डा. जनिथलाल सिंह घाइते भएका छन् । भिआइपी सवारीका नाममा सडक खाली गराएर नागरिकलाई सास्ती दिने यस्ता शैलीको विरोध भए पनि छिट्टै बिर्सने भन्दै थापाले यस्ता कार्य दोहोरिन नदिन सरकारलाई फेसबुकमार्फत दुई सुझाव दिएका छन् ।
