गणपुरक संख्या नपुगेर प्रतिनिधिसभाको बैठक स्थगित
प्रकाशित मिति : 24 February, 2023 6:41 pm
सुशासन नेपाल
0
Shares
काठमाडौँ । गणपुरक संख्या नपुगेर प्रतिनिधिसभाको बैठक स्थगित भएको छ । शुक्रबार बसेको बैठकमा राष्ट्रियसभाबाट सन्देशसहित प्राप्त अनुगमन तथा मूल्याङ्कन विधेयक २०७८ माथि सांसदहरुले धारणा राख्ने क्रममा सभाहल लगभग खाली अवस्थमा थियो । सांसद संख्या थोरै देखेपछि कांग्रेसका प्रमुख सचेतक रमेश लेखकले सभामुखले बिधेयक निर्णयार्थ प्रस्तुत गर्न गणपुरक संख्या नभएको बताए ।
सांसद लेखकले सो कुरा उठाएपछि सभामुख देवराज घिमिरेले प्रतिनिधिका सचिवलाई ३ मिनेट घण्टी बजाएर संख्या एकिन गर्न निर्देशन दिए । सांसदहरुको गणना गर्दा एक चौथाई सांसद पनि सभाहलमा नरहेको पाइयो । गणपुरक अर्थात एक चौथाई सांसद ६९ जना हुनुपर्नेमा सो भन्दापनि १९ जना कम ५० जनामा मात्र भएकोले सभा स्थगित गरे । उनले अर्को बैठक सोमबार दिउँसो १ बजेका लागि बोलाएका छन् ।
