एमाले सचिवालय बैठक : यी हुन् मनोनीत १७ जना केन्द्रीय सदस्य
प्रकाशित मिति : 2 June, 2023 7:36 pm
सुशासन नेपाल
0
Shares
काठमाडौँ । नेकपा एमालेले १७ जना नेताहरुलाई केन्द्रीय सदस्यमा मनोनयन गरेको छ । शुक्रबार भएको सचिवालय बैठकले मुकुन्द्र न्यौपाने, प्रेमबहादुर सिंह, भागवत विश्वासी, चुडामणि जंगलीलगायतलाई केन्द्रीय सदस्यमा मनोनीत गर्ने निर्णय गरेको हो ।
त्यसैगरी केन्द्रीय सदस्यमा मनोनीत हुनेहरुमा हेमराज राई, ठम्मर विष्ट, उमाशंकर अरगरिया, अजय गुप्ता, ईकवाल मियाँ, गणेश खनाल, प्रेम तामाङ, यमबहादुर परियार र सुरेन्द्र मानन्धर रहेको उपमहासचिव प्रदीप ज्ञवालीले बताए ।
‘पार्टीमा महत्वपूर्ण जिम्मेवारी पाएका नेताहरुलाई पनि केन्द्रमा कसरी ल्याउने भन्ने विषयमा परामर्श भइरहेको छ,’ ज्ञवालीले भने, ‘अहिले विभिन्न पार्टीबाट एमालेमा आउनुभएकाहरुलाई केन्द्रमा ल्याइएको हो ।’
मानन्धरबाहेक नेताहरु अन्य दलबाट एमालेमा आएका हुन् ।
