सरकार र शिक्षकबीचको वार्ता निष्कर्षविहिन, आन्दोलन जारी
सुशासन नेपाल
काठमाडौँ । शिक्षकका समस्या समाधान गर्न बसेको बैठक निष्कर्षविहिन भएको छ । बिहान ८ देखि ९ बजेसम्म, गृह मन्त्री नारायणकाजी श्रेष्ठ, शिक्षा विज्ञान तथा प्रविधि मत्री अशोक कुमार राई, शिक्षा सचीव, नेपाल शिक्षक महासंघका अध्यक्ष, हिस्टुनका प्रतिनिधिलगायतबीच बैठक बसेको थियो । तर शिक्षकहरुका माग बुदागत रुपमा सरकार पक्षले पूरा गर्ने सहमति नगरेपछि बैठक निष्कर्षविहिन बन्न पुगेको हो ।
शिक्षकहरुले आफुहरुले उठाएका माग र विधेयक संशोधनमा लिखित सहमति गर्नुपर्ने प्रस्ताव राखेको थिए । तर सरकार पक्ष त्यसमा तत्पर नभएको महासंघले जनाएको छ । बैठकमा शिक्षा मन्त्री अशोक कुमार राइले शिक्षकका माग सरकारले पूरा गर्ने बताए । ‘शिक्षकका साझा समस्या पूरा गर्न सरकार पनि कोशिसरत छ, तर शिक्षामा बजेटको कमी छ, शिक्षकलाई मोटिभेसन हुने गरि सरकारले काम गर्छ ।’
वार्तामा सहमति नभएपछि शिक्षकहरु अहिले माइतीघरमा आन्दोलनमा सहभागी भएका छन् ।
