भारत र पाकिस्तान एसियाली खेलकुद महिला क्रिकेटको सेमिफाइनलमा प्रवेश
प्रकाशित मिति : 21 September, 2023 5:48 pm
सुशासन नेपाल
0
Shares
एजेन्सी । चीनमा जारी एसियाली खेलकुद अन्तरगतको महिला क्रिकेट प्रतियोगितामा क्रिकेट शक्तिराष्ट्र भारत र पाकिस्तान सेमिफाइनलमा प्रवेश गरेको छ । दुवै टोलीका खेल वर्षाले प्रभावित भएसँगै वरीयताअनुरुप सेमिफाइनलमा सिट सुनिश्चत गरेका हुन।
वर्षा बाधक बनेको उक्त खेलमा मलेसियाविरुद्धको क्वार्टरफाइनल खेलमा १५ ओभरमा छोट्याइएको थियो । पहिले ब्याटिङ गरेको भारतले २ विकेटको क्षतिमा १७३ रन बनाएको थियो । तर, मलेसियाले ब्याटिङ सुरु गर्ने बित्तिकै पानी पर्न सुरु भएपछि खेल रद्द गरिएको थियो ।
पानी लगातार परे्पछि अर्को पाकिस्तान र इन्डोनेसियाविरुद्धको खेलमा भने एक बल पनि फाल्न सकिएन । बंगलादेश र हङकबीचको विजेताले भारतसंग र श्रीलङ्का र थाइल्याण्डबीचको विजेताले पाकिस्तानसंग सेमिफाइनलमा प्रतिस्पर्धा गर्नेछन्।
