गृहमन्त्री रविलाई विश्वप्रकाश शर्माको प्रश्न : गिरीबन्धु टी–स्टेटको फाइल खोल्न सक्नुहुन्छ ? [भिडियो हेर्नुहोस्]
प्रकाशित मिति : 6 June, 2024 12:54 pm
सुशासन नेपाल
0
Shares
काठमाडौं । कांग्रेसका महामन्त्री विश्वप्रकाश शर्माले गिरिबन्धु टी स्टेटको फाइल खोल्न गृहमन्त्री रवि लामिछानेलाई चुनौती दिएका छन् । बिहीबार प्रतिनिधिसभाको बैठकमा विशेष समयमा बोल्दै महामन्त्री शर्माले पूर्वप्रधानमन्त्री केपी शर्मा ओलीले कांग्रेसले ७० बिगाहाको कमिसन खाएको भनेर आरोपित गरेको भन्दै सोउपर छानबिन गर्न चुनौती दिएका हुन् ।
‘म यहाँनिर गृहमन्त्रीजीलाई खोज्न चाहन्छु । सत्ता गठबन्धन दलको सबैभन्दा ठूलो अध्यक्षले कांग्रेसले बेचेर ७० बिगाहाको कमिसन खायो भनेर जे आरोप लगाउनुभएको छ । त्यसमाथि अनुसन्धान गरेर कांग्रेसलाई दण्डित गर्न के तपाई गिरिबन्धुको फाइल खोल्नका लागि तयार हुनुहुन्छ ? म जान्दछु खोल्न होइन, बोल्न पनि उहाँ सक्नुहुन्न,’ महामन्त्री शर्माले भने ।
भिडियो हेर्नुहोस् ।
