प्रतिनिधिसभामा सार्वजनिक महत्वका विषयमा सभामुखद्वारा सरकारको ध्यानाकर्षण
सुशासन नेपाल
काठमाडौँ । सभामुख देवराज घिमिरेले सांसदहरूले प्रतिनिधिसभामा उठाएका विषयहरूप्रति सरकारको ध्यानाकर्षण गराउनुभएको छ । शुक्रबारको प्रतिनिधिसभा बैठकमा सभामुख देवराज घिमिरेले शून्य, आकस्मिक र विशेष समयमा सांसदहरुले उठाएका विषयहरुप्रति सरकारको ध्यानाकर्षण गराएका हुन् ।
सरकारको ध्यानाकर्षण गराउँदै सभामुखले भने, ‘यहाँहरूले सदनमा शून्य, आकस्मिक एवं विशेष समयमा उठाउनुभएका विषयहरुप्रति नेपाल सरकारको ध्यानाकर्षण गराउन चाहन्छु ।’
प्रतिनिधिसभा बैठकमा सांसदहरूले प्राकृतिक विपत्तिबाट नागरिकको जिउ, धनको रक्षा गराउनुपर्ने लगायत जनसरोकारका विभिन्न विषयमा आवाज उठाइरहेका छन् । त्यस्तै कांग्रेस प्रमुख सचेतक रमेश लेखकले राष्ट्रपति रामचन्द्र पौडेलको स्विजरल्यान्ड र जर्मनी भ्रमणका साथै प्रधानमन्त्री पुष्पकमल दाहालको भारत भ्रमणबारे सदनमा जानकारी दिनुपर्ने माग राखेका थिए ।
