राष्ट्रपतिद्वारा लगानी सहजीकरणसम्बन्धी विधेयक प्रमाणीकरण
प्रकाशित मिति : 8 July, 2024 7:41 pm
सुशासन नेपाल
0
Shares
काठमाडौँ । लगानी सहजीकरणसम्बन्धी केही ऐनलाई संशोधन गर्न बनेको विधेयक प्रमाणीकरण गरिएको छ। राष्ट्रपति रामचन्द्र पौडेलबाट सोमबार प्रमाणीकरण गरिएको हो। राष्ट्रपति पौडेलले संविधानको धारा ११३ को उपधारा (२) बमोजिम विधेयक प्रमाणीकरण गरेको राष्ट्रपति कार्यालयले जनाएको छ।
संघीय संसदको दुवै सदनबाट पारित गरेर प्रमाणीकरणका लागि राष्ट्रपतिकहाँ पठाइएको थियो। यो ऐनले लगानीको वातावरण बढाउने सरकारको अपेक्षा छ। सात ऐनका विभिन्न व्यवस्थामाथि यो ऐनबाट संशोधन गरिएको छ।
सरकारले तेस्रो लगानी सम्मेलनालाई केन्द्रित गरेर लगानीसम्बन्धी कानुनहरू संशोधन प्रक्रिया अघि बढाएको थियो। गत वैशाख १६ र १७ गते लगानी सम्मेलनको आयोजना गर्न अघि सरकारले अध्याधेशबाट विधेयक अघि बढाएको हो।
