रास्वपाको केन्द्रीय समिति बैठक १० एजेण्डामा छलफल
प्रकाशित मिति : 21 August, 2024 3:36 pm
सुशासन नेपाल
0
Shares
काठमाडौँ – राष्ट्रिय स्वतन्त्र पार्टीको केन्द्रीय समितिको बैठक बुधबारबाट सुरु भएको छ । बैठकमा १० वटा एजेण्डा तय भएको छ । बैठकले पार्टीले अब अघि बढाउने संगठन निर्माणसम्बन्धी कार्यक्रमहरूबारे निर्णय गर्नेछ ।
बैठकका समसामयिक राजनीति र पार्टी गतिविधि, राष्ट्रिय भेला कर्णाली विशेष अभियान र सबै प्रदेशमा सभापति समेतको कार्यक्रम, संगठन निर्माण सम्बन्धी कार्यविधि संशोधन, केन्द्र तथा सातै प्रदेशको बन्द कार्यशालाको प्रतिवेदन र उपलब्धीबारे छलफल हुनेछ ।
त्यस्तै स्थानीय तह उपनिर्वाचन,संविधान दिवसको कार्यक्रम, भ्रष्टाचारको मुद्दाको हदम्याद, वर्तमान सरकारबाट भएको शिक्षामा राजनीतिकरणको निरन्तरताको प्रयास र भ्रष्ट एवं स्वार्थ बाझिनेलाई मन्त्री नियुक्ति गरिएकोबारे र केन्द्रीय अनुशासन आयोगको सिफारिससहितको प्रतिवेदन सम्बन्धमा पनि छलफल हुनेछ ।
