शमी साहित्य प्रतिष्ठानद्वारा ६ स्रष्टा पुरस्कृत
सुशासन नेपाल
काठमाडौँ – शमी साहित्य प्रतिष्ठानले ६ जना स्रष्टाहरूलाई सम्मान गरेको छ। प्रतिनिधिसभाका सभामुख देवराज घिमिरेको प्रमुख आतिथ्यमा गत शनिबार प्रतिष्ठानले एक कार्यक्रमबिच स्रष्टाहरूलाई शमी साहित्य साधना २०८१ बाट सम्मान गरेको हो।
सम्मानित हुने स्रष्टाहरूमा कृष्ण गौतम, राप्रउ पोखरेल, ज्ञान उदास, रामबाबु घिमिरे, प्रेमविनोद नन्दन र प्राडा कृष्णप्रसाद दाहाल रहेका छन्। सम्मानित स्रष्टाहरूलाई सभामुख घिमिरेले जनही रु. ५० हजारसहित ताम्रपत्र हस्तान्तरण गरे।
सोही कार्यक्रममा नेपाल प्रज्ञा–प्रतिष्ठानका पूर्वकुलपति तथा लेखक/साहित्यकार गंगाप्रसाद उप्रेतीद्वारा लिखित ‘बन्दी जीवनका अत्यासलाग्दा कथाहरू’ लोकार्पण गरियो। कार्यक्रममा लेखक तथा पूर्वकुलपति गंगाप्रसाद उप्रेती, प्राडा देवीप्रसाद नेपाल, डा. कृष्णहरि बराल, बैरागी काइँला, डा. नवराज लम्साललगायत साहित्यकारहरूको उपस्थिति थियो।
