आईपीएलमा वैभवको कीर्तिमान
सुशासन नेपाल
काठमाडौँ – इन्डियन प्रिमियर लिग (आईपीएल) मा अर्को एउटा कीर्तिमान थपिएको छ। राजस्थानको जितमा १४ वर्षीय ओपनर वैभव सूर्यवंशीले कीर्तिमानी शतक प्रहार गरे। उनले ३८ बलमा ७ चौका र ११ छक्का प्रहार गर्दै १ सय १ रन बनाउँदा प्रसिद कृष्णाको बलमा बोल्ड आउट हुन पुगे। वैभवलले ३५ बलमा ७ चौका र ११ छक्का सहयोगमा शतक पूरा गरेका थिए। यो सँगै उनी आईपीएल इतिहासमा शतक बनाउने कान्छा खेलाडी बनेका छन्।
वैभवको कीर्तिमानसँगै रोयल्सले गुजरातलाई ८ विकेटले पराजित गरेको छ। गुजरातले दिएको २१० रनको लक्ष्य गुजरातले २५ बल अगावै २ विकेटको क्षतिमा भेट्टायो। राजस्थानको जितमा १४ वर्षीय ओपनर वैभवले कीर्तिमानी शतक प्रहार गरे। उनले ३८ बलमा ७ चौका र ११ छक्का प्रहार गर्दै १ सय १ रन बनाउँदा प्रसिद कृष्णाको बलमा बोल्ड आउट हुन पुगे।
अर्का ओपनर यसश्वी जैसवाल ७० रनमा अविजित रहे। उनले ४० बलमा ९ चौका र २ छक्का प्रहार गरे। कप्तान रियान पराग ३२ रनमा नटआउट रहे। नितिश राना ४ रन बनाउँदा रासिद खानको बलमा एलबीडब्लू धरापमा परे।
राजस्थानले टस जितेर फिल्डिङ गरेको गुजरातले निर्धारित २० ओभरमा ४ विकेटको क्षतिमा २ सय १० रन बनाएको थियो। कप्तान शुभमन गिल ८४ रन बनाउँदा क्याच आउट हुन पुगे। जस बटलर ५० रनमा अविजित रहे। साइ सुदर्शन ३९ रनमा क्याच आउट नै भए।
हारका बावजुद गुजरात १२ अंकमा तेस्रो स्थानमा छ। राजस्थान ६ अंकमा आठौँ स्थानमा छ। १४ अंक भएको रोयल च्यालेन्जर्स बैग्लुरु शीर्ष र १२ अंक भएको मुम्बइ इण्डियन्स दोस्रो स्थानमा छ।
