नगरपालिकाका प्रमुख प्रशासकीय अधिकृतसहित पाँचविरुद्ध भ्रष्टाचार मुद्दा दायर
प्रकाशित मिति : २१ बैशाख २०७९, बुधबार १७:२५
सुशासन नेपाल
171
Shares
काठमाडौं । अख्तियार दुरुपयोग अनुसन्धान आयोगले मुगुको छायानाथ रारा नगरपालिकाका प्रमुख प्रशासकीय अधिकृतविरुद्ध भ्रष्टाचार मुद्दा दायर गरेको छ ।
छायानाथ रारा–२ मा पर्ने पक्की बाटोको सिँढी निर्माण गर्ने भन्दै रकम विनियोजन गरी हिनामिना गरेको आरोपमा प्रमुख प्रशासकीय अधिकृत पिताम्बर सारुसहित पाँचजनाविरुद्ध विशेष अदातलमा मुद्दा दायर गरिएको हो ।
उनीहरूले २९ लाख ७७ हजार ८२१ रुपैयाँ भ्रष्टाचार गरेको आरोपपत्रमा उल्लेख छ । सबइन्जिनियर हस्तबहादुर मल्ल र इन्जिनियर महेश सिंह कठायतले फिल्डमा कम काम भएकामा बढी काम भएको देखाई झुटो नापजाँच बुझाउने काम गरेको अख्तियारको आरोप छ ।
