"समृद्ध नेपाल, सुखी नेपाली"का लागि सुशासन नेपाल

उत्कृष्ट प्रहरी नै घुस लिएको आरोपमा अख्तियारद्धारा पक्राउ

प्रकाशित मिति : 26 April, 2026 7:53 pm

सुशासन नेपाल

काठमाडौं – लागुऔषधसम्बन्धी मुद्दा मिलाइदिन्छु भनी ५० हजार घुस लिएको आरोपमा अख्तियार दुरुपयोग अनुसन्धान आयोगले एक प्रहरी वरिष्ठ हवल्दारलाई पोखराबाट पक्राउ गरेको छ।

जिल्ला प्रहरी कार्यालय कास्कीको मुद्दा फाँटमा कार्यरत प्रहरी वरिष्ठ हवल्दार विष्णु थापा क्षेत्रीलाई अख्तियारको पोखरा कार्यालयबाट खटिएको टोलीले सेवाग्राहीबाट घुस लिइसकेको अवस्थामा घुस रकमसहित पक्राउ गरेको हो।

अख्तियारका प्रवक्ता सुरेश न्यौपानेका अनुसार सेवाग्राहीसँग घुस-रिसवत मागेको सूचना एवं उजुरीका आधारमा आयोगको टोलीले क्षेत्रीलाई पक्राउ गरेको हो। पक्राउ परेका क्षेत्री २०८१ माघमा कास्की प्रहरीको ‘महिनाको उत्कृष्ट प्रहरी’ (बेस्ट पुलिस अफ द मन्थ)बाट सम्मानित भएका थिए।

अख्तियारको हिरासतमा रहेका क्षेत्रीमाथि आवश्यक थप अनुसन्धान कार्य भइरहेको प्रवक्ता न्यौपानेले जानकारी दिए।

प्रतिक्रिया दिनुहोस !

सम्बन्धित खबरहरु

काठमाडौँ – काठमाडौँ उपत्यकासहित देशभर सरकारी तथा सार्वजनिक जग्गामा अवैध रूपमा निर्माण गरिएका संरचना हटाउने अभियान सञ्चालन गरिएको छ। सरकारले पहिलो

काठमाडौँ- संघीय मामिला तथा सामान्य प्रशासन मन्त्रालयले सबै सरकारी निकाय र स्थानीय तहमा कार्यरत कर्मचारीको उपस्थितिको अभिलेख व्यवस्थापनका लागि विद्युतीय हाजिरी

काठमाडौं – रूकुम पश्चिमको त्रिभुवन जनता माविका तत्कालीन विद्यालय व्यवस्थापन समिति अध्यक्ष खेमराज खड्का, प्रधानाध्यापक हरिप्रसाद खनालसहित ८ जनाविरुद्ध विशेष