लेखा अधिकृत २१ हजार घुस रकमसहित पक्राउ
प्रकाशित मिति : 24 July, 2026 7:52 pm
सुशासन नेपाल
0
Shares
काठमाडौँ- अख्तियार दुरुपयोग अनुसन्धान आयोगले काठमाडौँ महानगरपालिका-३० का लेखा अधिकृत (छैटौँ) उद्धव भट्टराईलाई २१ हजार रुपैयाँ घुससहित नियन्त्रणमा लिएको छ।
आयोगका अनुसार स्थायी लेखा नम्बर (प्यान) बन्द गर्न वडा कार्यालयबाट आवश्यक सिफारिस दिलाइदिने भन्दै सेवाग्राहीसँग २१ हजार रुपैयाँ घुस मागी लिएको अवस्थामा भट्टराईलाई उक्त रकमसहित नियन्त्रणमा लिइएको हो।
अख्तियारले घटनाबारे थप अनुसन्धान भइरहेको जनाएको छ।
