शान्तिप्रक्रिया विपरीत अघि बढेमा सशक्त प्रतिवाद गर्ने निणर्य
सुशासन नेपाल
काठमाडौँ । माओवादी धारका आठ दलले विस्तृत शान्ति सम्झौताको मर्म र भावनाविपरीत हुने कुनै पनि गतिविधिको विरोध र प्रतिवाद गर्ने बताएका छन्। मंगलबार बिहान प्रधानमन्त्रीको सरकारी निवास बालुवाटारमा माओवादी धारका पार्टीहरूबीच भएको छलफलमा शान्तिप्रक्रिया विपरीत अघि बढेमा सशक्त प्रतिवाद गर्ने जनाएका हुन्।
बैठकमा प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड, नेसपा अध्यक्ष डा, बाबुराम भट्टराई, नेकपा क्रान्तिकारी माओवादीका सीपी गजुरेल, नेकपा माओवादीका खड्कबहादुर विश्वकर्मा, नेकपा बहुमतका नेता धर्मेन्द्र बास्तोला, वैज्ञानिक समाजवादी कम्युनिस्ट पार्टीका महासचिव विश्वभक्त दुलाल (आहुति)को सहभागिता थियो।
नेकपा माओवादी समाजवादीका अध्यक्ष कर्णजित बुढाथोकी, माओवादी उपाध्यक्ष कृष्णबहादुर महरा, महासचिव देव गुरुङ, उपमहासचिव शक्ति बस्नेत, मात्रिका यादव, हरिबोल गजुरेल लगायतका नेताहरूको सहभागिता थियो।
सअघि सहिद तथा वेपत्ता योद्धा सन्तती फाउन्डेसनले आयोजना गरेको एक कार्यक्रममा सहभागी माओवादी धारका नेताहरुले माओवादीलाई हेप्न थालिएकाले एकजुट भएर प्रतिकार गर्नुपर्ने धारणा राखेका थिए। सर्वोच्चले माओवादी केन्द्रका अध्यक्ष पुष्पकमल दाहालविरुद्ध मुद्दा हाल्न मिल्ने आदेश दिएसँगै माओवादी धार झल्किएको छ।
प्रचण्डको‘द्वन्द्वकालमा मारिएका ५ हजारको जिम्मा’ लिन सक्ने कुनै बेला अभिव्यक्तिलाई लिएर मुद्दा दायर गर्ने तयारी छ।
