त्रिदेशीय फुटवल-नेपालद्वारा लाओस पराजित
प्रकाशित मिति : 23 March, 2023 2:02 pm
सुशासन नेपाल
0
Shares
काठमाडाैँ । प्रधानमन्त्री कप त्रिदेशीय फुटबल प्रतियोगितामा नेपालले विजयी सुरुवात गरेको छ । बुधबार दशरथ रंगशालामा नेपालले लाओसलाई २-० ले हराउँदै विजयी सुरुवात गरेको हो ।
नेपालको जितमा अनन्त तामाङ र नवयुग श्रेष्ठले गोल गर्नुभयो । ३१ औँ मिनेटमा अनन्तले हेडरमार्फत गोल गर्नुभयो भने ५६ औं मिनेटमा नवयुगले गोल थप्नुभयो ।
खेलमा नेपालका अनन्त म्यान अफ दि म्याच चुनिनुभयो । जितसँगै नेपालले पहिलो खेलमा ३ अंक जोडेको छ । अब चैत १४ गते नेपालले भुटानसँग खेल्नेछ भने लाओसले चैत ११ गते भुटानसँग खेल्नेछ ।
प्रतियोगिता शीर्ष दुई टोलीले उपाधिका लागि चैत १७ गते खेल्नेछन् ।
